Hindi Nepali Stories

Gazal

आमा किन बोझ बनेर , मेरो निम्ति बाँचेकी छौ
दोष त तिम्रो होइन नि , किन मन भाँचेकी छौ

नखाएर जोहो गरेको , फगतः त्यो सम्पत्तिहरू
म सुस्तःले के गर्नु र ? के का लागि साँचेकी छौ

ईश्वरको वरदान हो , भो मेरो सुर्ता नगर
दुःखीराखेको त्यो मुटु , आमा तिम्ले जाँचेकी छौ

आमा तिमी छौ त म छु , मलाई खुसी पार्नलाई
आफ्नो व्यथा लुकाएर , हाँसी हाँसी नाचेकी छौ

के श्राप लाग्यो नभन्नु , कर्मको लेखा यस्तै हो
मेरो पीडामा तिमीले , आफ्नो मुटु पाछेकी छौ

दाजु – भाइको के विश्वास ? विहे पछि फ्यालिइन्छ
आमा तिम्रो पछि मेरो , भविष्य सोचिराखेकी छौ ?