Hindi Nepali Stories

थुनिएँ मायाको जेलमा जानुछैन मलाई घर

मायालुको काखैमा मर्छु बाँच्छु उनकै छ भर

विरामी परे पनि ओखतीमुलो उनैले गर्छिन्

खुशीसाथ पिउँछु म दिए पनि उनले जहर

लठ्ठीले पिटून चाहे मेरो गाला नै चड्काऊन्

सहिदिन्छु म हाँसीहाँसी चाहे टुटेपनि कहर

भोकै राखे रहन्छु, प्यासै राखे पनि स्वीकार्छ

गुनासो म गर्दिनँ केही छैन अब कुनै डर

भूइँमा सुताओस् चाहे मखमलको ओछयानमा

तर उनको काखमा सुत्ने सदैव रहन्छ रहर